"

最近王祖蓝频频

为自己嘅新综艺

《一条麻甩佬在东莞》造势

"

睇个综艺名就知道

呢个节目同麦包揸旗嘅

《一条麻甩在广州》

有异曲同工之妙

就係潮叹当地吃喝玩乐啦

"

本身就係东莞籍嘅祖蓝

喺节目中仲会邀请二婶亮相

亲自下厨炮制佳肴

"

同佢一起录节目嘅艺人朋友

都有幸可以品尝到呢啲美味

令大家都倍感亲切、回味无穷

"

因为二婶讲话有口音

节目中更闹出笑话

例如将tvb嚟拍祖蓝

就讲成tvb嚟“劈”佢

欢乐效果瞬间拉满

"

因为喺东莞录节目太开心

祖蓝话自己一度谂过

要喺当地置业

"

但两个囡囡嘅生活费&学费

零零碎碎加埋使费太大

自己嘅荷包又紧张咗

"

佢仲夸张咁讲到

依家凑两个囡囡已经够辛苦

几乎“倾家荡产”

买楼、生三胎呢啲嘢

都唔敢谂住了哦

"

除咗呢档旅游节目

祖蓝同阮兆祥、李思捷拍档嘅

《福禄寿训练学院》

都准备开波啦

"

福禄寿最叻就扮鬼扮马噶啦

所以呢档综艺节目

就係“扮野”届嘅选秀啦

专门选拔整蛊整怪嘅人才

"

讲到参选嘅形式

真可谓花臣百出

不限于唱歌、跳舞、演戏

只要自己够吉士、有谂法

都可以show出嚟

感觉同以前嘅《残酷一叮》有啲似

"

《福禄寿训练学院》

除咗有素人参赛

都会有部分艺人朋友参加

素人扮巨星、巨星演名人

谂落都几有睇头

"

加上有福禄寿亲自落场教路

相信节目出街

一定欢乐满分、笑声爆棚

身为导师一员嘅祖蓝透露

佢已经提前睇过百条参选片

全部都好劲、好有point

"

例如有广州郭富城、

澳门周慧敏

多才多艺嘅演出令人拍烂手掌

仲会有港姐冠军嚟参赛添

唔睇就真係走宝啦

"

啲参赛者个个都咁犀利

佢哋福禄寿觉得自己可以“退休”

以后就係新人嘅世界啦

所以佢都有谂过

呢个节目应该叫“倒自己米”

"

网友联动两个节目

调侃祖蓝话

开个节目嚟倒自己米

难怪你“倾家荡产”啦

"

唔知你比较期待

温馨美味嘅

《一条麻甩佬在东莞》

定係够晒“笑”果

尽show才艺的

《福禄寿训练学院》咧

"