锄禾日当午
汗滴禾下土
谁知盘中餐
粒粒皆辛苦
小辰光曾经听好婆讲过一只神话故事，细节有眼忘记了，好婆讲汉钟离、蓝采和、韩湘子、曹国舅、铁拐李、张果老、吕洞宾、何仙姑，八个仙人要去做一桩好事体，大家一道造粒米，地方、辰光侪约好了，七仙人到了，独缺铁拐李呒么来，横等竖等也勿来，搿格辰光呒么通讯设备、呒么手机，联系勿上，吃勿准铁拐李格到底是啥格情况，就勿等了，七个仙人就各尽其责，先拿一粒米做好了，刚刚弄舒齐停当，铁拐李倒是翘法翘法来了，
哦！搿格朋友蛮“横怼”，勿打招呼、勿解释自家为啥迟到，倒是先怪人家为啥勿等伊，“腾卵了”，格么我就勿搭倷轧了一道了，自家单独做一粒。难么两颗籽就一道撒了农田里厢，七个仙人种出来格大米就缺脱一只角，而铁拐李种出来格是稗子，邪气“龊刻”，铁拐李格稗子搭牢侬格米，混了一作堆……
小辰光晓得天津格小站大米好吃，现在勿看见了，阿拉喜欢吃黑龙江五常大米，有一桩事体弄勿清爽，老早淘米要先拿黑赤赤、扁塌塌、实实硬格稗子拣脱，现在稗子呢？
严雪亭《一粒米》：
一粒米啥稀奇 一个老农拿出一粒米 叫小孙子一粒一粒数仔细 一共数出17837粒半 一数数出大问题 假使每人每日节约一粒米 当年全国人口6.5亿，一日就是35374斤，一年12734000斤 拨勒5000人当口粮 吃仔7年还要多一些……
我曾是知青下乡，晓得眼农田生活，秋天大丰收了，只看见饱满格稻谷是低着头，捣蛋鬼稗子倒是挺胸抬头，世界浪厢交关事体真是讲勿清爽，真价实货倒是低着头，假冒伪劣却是昂着头？！我想啊，低头是姿态、是能力、勿是自卑、怯弱、低头是策略，勿是屈服……
一本书里讲老外是撒米、勿做米……
撒了路边，拨鸟吃脱。
撒了浅土里，撒得快，长得快，太阳出来晒煞脱也快。
撒了荊棘地，环境太推板，弯弯曲曲，勿能正常生长。
撒了良田里，生命就扎实，品种优良，要比人家要好30倍、60倍、100倍。
哦，啥格徒侪相信！人情勿讲穿、讲穿呒人情，留眼神秘、留眼念想、留眼朦胧，人家变戏法，拨侬拆穿脱了，人家就勿好白相啦。
月满则亏
水满则溢
人满则骄
覅全懂、应《缺角》
6080影视基地